NAGA CITY - Pasado alas 5:30 na nin pagkahapon can matrayumpong makaabot an imahi ninda Nuestra Senora de Penafrancia asin El Divino Rostro sa Metropolitan Cathedral sa isinagibo na Traslacion Procession sa ciudad nin Naga.
Parti ini can sarong semanang selebrasyon can kapiestahan can patrona nin Kabikolan.
Nagdurar nin cinco horas an prusisyon na pigpartisipar can man ibaibang escuelahan, civic asin religious organization guican sa man ibaibangprovencia sa Kabikolan.
Alas 12:30 can pormal na mag poon an prusisyon sa may parti can Penafrancia Church.
Bandang alas 3:00 na nin hapon pagkatapos can sarong misa sa Robles de Cobaruvias patio can mailowas an mga imahi ni Nuestra Senora de Penafrancia asin El Divino Rostro.
Sa tahao can init nin saldang pigkokonsiderar na gracia an biglaan na pagbuhos can makosog na bolos nin uran na nagpatanggal sa kapagalan asin pagkapaha can mga deboto asin voyadores.
Kabali si DILG Secretary Jesse Robredo sa karkulado kabangang milyon katawo na nag dagsa sa okasyon.
An mga deboto na nakaabang sa pag-agi can prusisyon an nagpahiling man kan saindang pag respeto sa pagwagayway sa mga kapot na puting panyo.
Sinasabayan pa ini can pagkurahao can mga deboto can mga tataramon na “ViVa La Virgen Viva”.
Nueve diaz na matenir sa Metropolitan Cathedral an duwang imahi asin pagkatapos kaini liwat na ipro-prusisyon sa paagi nin fluvial procession sa kalabaan can Naga River asin mabalik sa saiyang orihinal na harong sa Basilica Minore.
Asin sa mga oras na init ginigibo an concelebrated mass na pinagpangenutan ni Archbishop Leonardo Legazpi sa quadricentennial arch can Metropolitan Cathedral.
- Blogger Comment
- Facebook Comment
Subscribe to:
Post Comments
(
Atom
)
0 comments:
Post a Comment